抽到宿舍

(2018/5/3 補寫)

前幾日老公打電話返黎話收到好消息
我地等左幾年既宿舍終於抽到啦
真係好開心好開心呀
不過地點係上水
今日老公放假我地同埋媽咪一齊去上水睇下宿舍附近既環境
宿舍樓下就係停車場
我地泊好車就行去火車站同附近搵野食
不過呢段路真係好遠
加上上水真係好多強國人好多喼神
一下唔覺意就俾人碌腳都冇仇報囉
所以一行到去上水廣場個一帶已經好唔鍾意上水

而家我餵緊人奶
但QQ實在太癡身啦
好多時都要媽咪幫手睇住QQ我先可以泵到奶
而且老公又唔係每日返屋企幫我
要買送煮飯泵奶我自己一個真係攪唔掂
所以我地都有叫埋媽咪搬黎宿舍同我地一齊住
不過媽咪又要返黎屯門健康院返工
一來一回又要買野煮飯俾我地食都會好辛苦
所以媽咪唔係咁想搬去上水
但佢話我地搬走後得返佢一個人住又唔捨得
回程時仲唔開心係架車到喊
最後我同老公都決定放棄間宿舍了
希望住返係媽咪到可以盡快儲多點錢上車啦
不過希望以後同媽咪鬧交佢唔好又講埋哂"我地快D搬呀"呢D說話啦

放棄宿舍真係有點可惜
間宿舍有千幾尺
講真我呢一世都未必有機會住咁大間屋
而且今次放棄
我地3年內都唔可以再抽宿舍
第4年凍結完左老公人工可能已經到左MAX. 我地都冇機會再抽宿舍了
不過... 我地能夠住係媽咪到媽咪幫我好多
所以能夠同媽咪一齊住都係一種福氣
等第日總有機會同老公同QQ搬出去住吧

今日睇宿舍原來老公冇入錶結果俾人抄牌
我因為過哂時間冇泵奶結果返到屋企個胸好谷好痛
沖涼時一路不停用熱水淋個胸一路大力按
塞奶真係好痛好辛苦
沖完一次好熱既水都係塞
好彩媽咪好好幫我抱住QQ訓覺等我再寺沖熱水涼
最後終於都按返通了
真係好擔心通唔返變乳線炎呀
好彩好彩